Mirmëngjesiiiii të gjithëve! Shpresoj që keni me pasë një të martë të mirë!
Sa u gëzova kur rastësisht i gjeta disa foto të një tortes që e kam përgatit para dy viteve. Shum na ka pëlqy të gjithëve atëher kur “dikush i ka mbushë 40” saqë patjeter duhna përsëri me e përgatitë. Merr pak kohë mirpo ja vlen, simbas meje 😉
Shijen e ka të freskët, nuk është e randë edhe të bon mu ndi e “sofistikuar” kur ta shijon me një kafe. Ok, kjo e fundit ke vetëm shaka ose hajgare. Në realitet po më duket hajgare me përdor fjalën shaka mbasi që zakonisht nuk e pëdori përveqse kur boj “hajgare” 🙂 …ok, ndoshta po e kuptoni 🙂
Këtu është njeni “i paftyrë”, po mendoj vetëm në foto 🙂 duke e shiju torten me një kafe.
Deliciozeeeee 🙂
Me rëndësi: Para se të fillosh me përgatitë ëmbëlsirën lexoje mirë gjith tekstin në mënyrë që të kesh mundësi me e planifiku kohën, mbase nevoitet gjith nata me ndejt në friz.
Brumi:
- 200 g gjalp
- 3 ve
- 4 dl sheqer
- 1 lugë vanilj
- 2 lugë mjaltë
- 1 dl kakao
- 1 lugë kafes krip
- 3 dl miell
- 0,5 dl qumësht
- 150 gram qokolladë të grimcuar
Krema e manaferrave:
- 4 fleta zhelatinë
- 250 g manaferra të ngrira
- 2 lugë ujë
- 2 dl sheqer
- 2 lugë vanilë
- 4 dl ajkë
- 3 dl jogurt të trashë
Brumi:
- Shkrije gjalpin e leje anash të ftohet.
- Përziej shpejt vetë, sheqerin, mjaltin kakaon, kripën e miellin.
- Shtoja gjalpin e shkrirë së bashku me qumshtin e qokolladën.
- Shtrije brumin në një tepsi të rrumbullakët të cilën e ke pais me letër gatimi (mundësisht tepsi që i hjeken kandet).
- Pjeke në mes të furrës në 175°c, afër 40 minuta. Leje të ftohet por mos ja hjek letrën anash se do të nevoitet për kremën më vonë!
Krema e manaferrave:
- Qite zhelatinën në ujë të ftohët.
- Jepju një valë të shpejtë mbi shporet manaferrave me ujë dhe sheqer.
- Nxerre zhelatinën prej ujit e qite mbi manaferra duke e përzi.
- Leje të ftohet pakëz e vazhdo e përzieje.
- Në një enë tjetër e tundë ajkën deri sa të trashet e pastaj shtoja jogurtin.
- Duke mos e ndal mikserin qite ngapak krem të manaferrave mbi ajkën me jogurt.
- Hedhe gjith masën e përgatitur të manaferrave mbi brumin që tashmë është ftohë.
- Leje të ngrihet gjat natës.
- Nxerre prej frizit dhe leje të shkrihet në temperaturë të dhomës 5 orë ose në frigorifer 12 orë.
- Mos harro e zbukuroje torten me disa manaferra.
Nuk qenka qaq ide e mirë me i shkru në blog gjanat që s’mundem me i provu sot se po lakmoj :)